کاؤنٹر ٹیررازم ڈیپارٹمنٹ (سی ٹی ڈی) نے پشین کے علاقے سرخاب میں کارروائی کرتے ہوئے فائرنگ کے تبادلے کے دوران چار مبینہ حملہ آور ہلاک کردیے۔

سی ٹی ڈی ترجمان کا کہنا ہے کہ فائرنگ کے تبادلے میں کالعدم تنظیم کے چار مبینہ حملہ آور ہلاک ہوئے ہیں، ان کے ٹھکانے سے اسلحہ وگولہ بارود برآمد کرلیا گیا ہے۔

اس سے قبل پنجاب کے مختلف شہروں میں کارروائیوں کے دوران 8 مبینہ دہشتگرد گرفتار کیا گیا تھا۔

سی ٹی ڈی حکام کا کہنا تھا کہ لاہور، گوجرانوالا، راولپنڈی اورملتان میں کارروائی کے دوران 8 دہشت گرد گرفتار کیے گئے ہیں۔