اسلام آباد ہائی کورٹ کے چیف جسٹس عامر فاروق کے خلاف سوشل میڈیا پر مذموم مہم کی تحقیقات کیلئے جوائنٹ انویسٹی گیشن ٹیم قائم کردی گئی۔

مشترکہ تحقیقاتی ٹیم چار ارکان پر مشتمل ہوگی۔

ایف آئی اے، آئی ایس آئی، آئی بی اور وفاقی پولیس کے افسران ٹیم میں شامل ہیں۔

جوائنٹ انویسٹی گیشن ٹیم 15روز میں تحقیقاتی رپورٹ مرتب کرے گی۔

یاد رہے کہ چیف جسٹس اسلام آباد ہائیکورٹ عامر فاروق کے خلاف ایک سیاسی جماعت کی جانب سے سوشل میڈیا پر مذموم مہم چلائی گئی تھی۔

پی ٹی آئی سوشل میڈیا کی ٹرولنگ پر وزارت قانون وانصاف کا رد عمل بھی سامنے آ یا تھا۔

اتوار کو وفاقی وزارت قانون و انصاف کی جانب سے جاری بیان میں چیف جسٹس اسلام آباد ہائی کورٹ جسٹس عامر فاروق پر ’ایک سیاسی جماعت کی طرف سے سوشل میڈیا کے ذریعے حملے کی شدید مذمت‘ کی گئی تھی۔

یہ بھی پڑھیں :

’عدالت مخالف ٹرولز کے ریڈ وارنٹ جاری کیے جائیں گے‘

چیف جسٹس اسلام آباد ہائیکورٹ کیخلاف سپریم جوڈیشل کونسل میں درخواست دائر

سرکاری خبر رساں ادارے اے پی پی کے مطابق اس بیان میں کہا گیا ہے کہ سیاسی جماعتیں ملکی اداروں پر حملے سے باز رہیں۔