صادق آباد کے کچے کے علاقے میں ہنی ٹریپ کے ذریعے ڈاکوؤں نے منچن آباد کے رہائشی نوجوان کو اغواء کرکے 40 لاکھ روپے تاوان کا مطالبہ کردیا۔

کچے میں ہنی ٹریپ کی وارداتوں میں ایک بار پھر اضافہ دیکھا جارہا ہے، ڈاکوؤں نے منچن آباد کے رہائشی نوجوان کو کچے میں بلا کر اغوا کرلیا۔

اہل خانہ کا کہنا ہے کہ ڈاکو مغوی کی رہائی کے بدلے 40 لاکھ تاوان مانگ رہے ہیں اور رقم جلد ادا نہ کرنے پر جان سے مارنے کی دھمکیاں دے رہے ہیں۔

مغوی نوجوان کے اہل خانہ کا کہنا ہے کہ گھر میں کھانے کے لیے نہیں ہے تو تاوان کی رقم کہاں سے دیں۔