ملکی سلامتی کے اداروں اور سرکاری عہدیداروں کے خلاف ہرزہ سرائی کرنے پر پی ٹی آئی کے اہم رہنماؤں کیخلاف ایک اور مقدمہ درج کرلیا گیا ہے۔

ایف آئی اے سائبر کرائم سرکل نے مقدمہ درج کرکے کارروائی شروع کردی ہے، مقدمے میں حماداظہر، مسرت جمشید، قاسم سوری، عمرسرفراز نامزد ہیں۔

علی زیدی، فوادچوہدری، اعظم سواتی کا نام بھی ملزمان کی فہرست میں شامل ہے، جبکہ متن کے مطابق ملزمان نے سوشل میڈیا پر اداروں کیخلاف جھوٹی مہم چلائی تھی۔

ایف آئی اے نے کہا کہ تمام رہنماؤں کو وضاحت کیلئے طلب کیا گیا ہے اور طلبی کے باوجود کوئی رہنماء پیش ہوا نہ جواب جمع کرای۔

مزید کہا کہ شواہد اور بیانات کی روشنی میں مقدمہ درج کیا گیا، ایف آئی اے نے ملزمان کی گرفتاریوں کیلئے ٹیمیں تشکیل دیدیں۔