ملکی معاملات میں مداخلت پر نائجر کی فوجی حکومت نے فرانسیسی سفیر کو ملک سے نکل جانے کا حکم دے دیا ہے۔

فوجی حکام ک کہنا ہے کہ فرانسیسی سفیر سلوین ایٹے 48 گھنٹوں کے اندرملک چھوڑدیں، فرانس نائیجر کے اندرونی معاملات میں مداخلت کر رہا ہے۔

ملک کے دارالحکومت نیامی میں عوام کا فرانسیسی فوجی اڈے کے سامنے احتجاج کیا گیا اور ملک نہ چھوڑنے پر فوجی تنصیب پر دھاوا بولنے کی دھمکی دے دی۔

جنتا کی جانب سے مقرر کردہ وزارت خارجہ نے کہا کہ سفیر کو ملک بدر کرنے کا فیصلہ فرانسیسی حکومت کی جانب سے کیے گئے اقدامات کا ردعمل تھا جو نائیجر کے مفادات کے خلاف تھے۔

واضح رہے کہ بغاوت نے فرانس کے ساتھ نائجر کے دیرینہ تعلقات کو دھچکا لگا ہے۔

فرانس نے صدر محمد بازوم کو ان کی معزولی کے بعد عہدے پر واپس آنے کا مطالبہ کیا ہے اور کہا ہے کہ وہ مغربی افریقی علاقائی بلاک کی جانب سے بغاوت کو ختم کرنے کی کوششوں کی حمایت کرے گا۔