سندھ کے نگراں وزیر بلدیات مبین جمانی کی ہدایت پر محکمہ بلدیات نے سندھ بھر میں تمام اقسام کی عمارتوں کے نقشوں کی منظوری پر پابندی لگادی، جس کا نوٹیفکیشن جاری کردیا گیا۔

نگراں وزیر بلدیات سندھ کی ہدایت پر محکمہ بلدیات نے اہم حکم نامہ جاری کردیا، جس کے تحت سندھ میں عمارتوں، گھروں اور کمرشل پلازوں کے نقشوں کی منظوری پر پابندی عائد کردی گئی۔

مزید پڑھیں

سندھ کے نگراں وزیر مبین جمانی کا تمام سرکاری مراعات واپس دینے کا اعلان

ایس بی سی اے کے تمام ڈائریکٹرز کو غیر قانونی تعمیرات مسمار کرنے کی ہدایت

کراچی میں عمارت زمیں بوس ہوگئی

محکمہ بلدیات نے نوٹیفکیشن جاری کردیا، جس کے مطابق پابندی کا اطلاق سندھ بلڈنگ کنٹرول اتھارٹی (ایس بی سی اے) اور تمام ڈویلپمنٹ اتھارٹیز پر لاگو ہوگا۔

اس کے علاوہ تمام قسم کے بلڈنگ پلان اور لے آؤٹ پلان پر بھی پابندی عائد کردی گئی ہے۔

محکمہ بلدیات کے نوٹیفکیشن کے مطابق پابندی کا اطلاق تا حکم ثانی ہے۔