کیمپ جیل میں آئس سپلائی کرنے، پیسے لے کر قیدیوں سے ملاقاتیں کرانے کا انکشاف ہوا ہے، رشوت وصول کرنیوالے ملازمین کیمروں کی آنکھ میں آگئے

جیل حکام کا کہنا ہے کہ الیکٹریشن محمد اسلم کیمپ جیل میں نائٹ شفٹ پرتعینات تھا، بجلی ٹھیک کرنے کے بہانے رات کو قیدیوں کو منشیات سپلائی کرتا تھا۔

حکام کے مطابق مشکوک حرکات پر الیکٹریشن محمد اسلم کی 2 روز قبل تلاشی لی گئی، تو اس دوران آئس برآمد ہوئی۔

جیل حکام نے کہا کہ تھانہ شادمان میں محمد اسلم کے خلاف مقدمہ درج کرادیا اور کرپشن میں ملوث 3 جیل وارڈرز کو بھی نوکری سے فارغ کردیا گیا ہے۔