انسداد دہشتگردی عدالت ون کوئٹہ نے سینئر وکیل عبدالرزاق شر ایڈووکیٹ قتل کیس میں نامزد ملزمان کی عدم گرفتاری پر سی ٹی ڈی حکام پر برہمی کا اظہار کیا ہے۔

کیس کی سماعت کے دوران سی ٹی ڈی تھانہ کوئٹہ کے تفتیشی آفیسر نے عدالت میں چالان پیش کیا۔ سماعت اے ٹی سی ون کے جج سعادت اللہ خان بازئی نے کی ہے۔

نامزد ملزمان کی عدم گرفتاری اور بہتر تفتیش نہ ہونے پر عدالت سی ٹی ڈی حکام پر برہم کا اظہار کرتے ہوئے عبوری چالان واپس کردیا۔

عدالت نے سی ٹی ڈی کو مقدمے کی بہتر تفتیش کرکے شواہد اکٹھے کرنے کی ہدایت کرتے ہوئے کہا کہ ملزمان کو گرفتار کرنے کے بعد چالان عدالت میں پیش کیا جائے۔