برطانیہ میں آج او اور اے لیول کے نتائج جاری ہوں گے، اور پیشگوئی کی جارہی ہے کہ سخت درجہ بندی میں 75،000 طلباء انگریزی اور ریاضی میں فیل ہونے کی توقع ہے۔

برطانوی نشریاتی ادارے ڈیلی میل کی رپورٹ کے مطابق ملک میں آج اے اور اے لیول کے نتائج جاری کیے جائیں گے، اور ہزاروں طلبا کو مشکلات کا سامنا کرنا پڑسکتا ہے کیونکہ امتحانات میں فیل ہونے والے طلبا کے اضافے کی پیش گوئی کی جارہی ہے۔

رپورٹ کے مطابق جی سی ایس ای ری ٹیک میں ریکارڈ اضافے کی توقع ہے کیونکہ سخت درجہ بندی کے نتیجے میں 75،000 طلباء انگریزی اور ریاضی میں فیل ہوجائیں گے۔

دوسری جانب یونیورسٹی آف بکنگھم کے ڈائریکٹر آف ایجوکیشن پروفیسر ایلن اسمتھرز کی پیش گوئی کے مطابق تقریبا 325,000 گریڈ فیل ہو جائیں گے۔ جب کہ ساتویں اور اس سے اوپر درجہ بندی والے بہترین نتائج کی تعداد میں بھی ریکارڈ کمی متوقع ہے۔

واضح رہے کہ شمالی آئرلینڈ اور ویلز میں اے * جی گریڈ اب بھی استعمال ہوتے ہیں، جب کہ انگلینڈ میں ان کی جگہ 9-1 سسٹم لے لیا گیا ہے، جہاں 9 سب سے زیادہ ہے، اے 4 بڑے پیمانے پر سی گریڈ کے برابر ہے، اور 7 اے گریڈ کے برابر ہے۔

کورونا سے قبل گریڈز کو معیار کے قریب لانے کے دو سالہ حکومتی منصوبے کا اختتام ہونے جارہا ہے۔

پروفیسر اسمتھرز نے خبردار کیا کہ سخت مارکنگ کا مطلب ہے کہ تقریبا 75 ہزار طالب علم انگریزی، ریاضی یا دونوں میں فیل ہو سکتے ہیں، جس سے ری ٹیک کی تعداد میں اضافہ ہوگا۔

انگلینڈ میں ریاضی یا انگریزی جی سی ایس ای میں گریڈ 3 یا اس سے کم کے طالب علموں کو کم از کم گریڈ 4 حاصل کرنے تک دوبارہ تعلیم حاصل کرنا ہوگی۔ اور اسکول یا کالج میں کام جاری رکھنے کے لیے انہیں دوبارہ بیٹھنا پڑے گا۔

پروفیسر اسمتھرز کے مطابق اگر طلبا اپنی پرانی کلاسوں میں دوبارہ بھی تعلیم حاصل کرلیں اور امتحان دیں تو زیادہ تر پھر ناکام ہو جائیں گے، کیوں کہ وہ ایک بری پالیسی میں پھنسے ہوئے ہیں، حکومت کو فوری طور پر اپنی پالیسی پر نظر ثانی کرنی چاہیے۔

گزشتہ ہفتے انگلینڈ، ویلز اور شمالی آئرلینڈ میں گزشتہ سال کے مقابلے میں 73 ہزار کم اے لیول گریڈ دیے گئے تاکہ نتائج کو کووڈ سے پہلے کی سطح پر لایا جا سکے، لیکن پھر بھی 2019 کے مقابلے میں تقریباً 32،000 زیادہ ٹاپ گریڈ تھے۔

آج جی سی ایس ای کے تقریبا 300،000 کم اعلی درجے دیئے جانے کی پیش گوئی کی گئی ہے جو طلباء اور والدین کے لئے ’دھچکا‘ ہوگا، لڑکوں پر لڑکیوں کی برتری بھی کم ہونے کی توقع ہے تاہم یہ بھی توقع ہے کہ لڑکیاں لڑکوں سے پھر بھی ’بہت آگے‘ رہیں گی۔

یونیورسٹی آف ایکسیٹر میں سماجی نقل و حرکت کے پروفیسر لی ایلیٹ میجر کا کہنا ہے کہ انہیں ’بنیادی مہارتوں‘ کے بغیر اسکول چھوڑنے والے بچوں کی تعداد پر تشویش ہے۔ یہ ایک قومی اسکینڈل ہے کہ اتنے سارے نوجوان بنیادی انگریزی اور ریاضی حاصل نہیں کر رہے ہیں، یہ کیسے ہو سکتا ہے کہ 12 سال کی تعلیم کے بعد اتنے سارے طالب علم زندگی میں آگے بڑھنے کے لئے ضروری بنیادی چیزوں میں مہارت حاصل کرنے سے قاصر ہیں۔

پروفیسر لی کا کہنا ہے کہ ایک ایسا تعلیمی نظام تشکیل دینا نقصان دہ ثابت ہوسکتا ہے کہ جو تمام نوجوانوں کو زندگی میں پھلنے پھولنے اور معاشرے میں اپنا حصہ ڈالنے کے لئے ضروری بنیادی مہارتوں کے ساتھ اسکول چھوڑنے پر مجبور کردے۔

ویلز اور شمالی آئرلینڈ میں جی سی ایس ای کے نتائج اگلے سال تک وبائی امراض (کووڈ) سے پہلے کی سطح پر واپس آنے کی توقع نہیں ہے، آج اپنے نتائج حاصل کرنے والے طلباء اسکول کے گروپ میں شامل ہیں جو پڑھائی کے دوران مسلسل غیر حاضر تھے۔

ایف ایف ٹی ایجوکیشن ڈیٹا لیب کے تجزیے سے پتہ چلتا ہے کہ 2022- 23 کے تعلیمی سال میں 19 مئی تک کم از کم 10 فیصد سیشن سے محروم رہنے والے 11 طالب علموں کی شرح وبائی امراض سے پہلے کی شرح سے تقریبا دگنی تھی، جو 16.2 فیصد کے مقابلے میں 30.6 فیصد تھی۔

بچوں کی کمشنر برائے انگلینڈ ریچل ڈی سوزا نے خبردار کیا ہے کہ انگلینڈ میں مسلسل غیر حاضر بچوں کی تعداد کی وجہ سے ’حاضری کا بحران‘ پیدا ہو سکتا ہے۔