پاکستان کی میزبانی میں کھیلے جانے والے ایشیا کپ کی سیکیورٹی کے لیے محکمہ داخلہ پنجاب نے فوج اور رینجرز طلبی کی سمری وفاق کو بھجوادی۔

ذرائع کے مطابق محکمہ داخلہ پنجاب نے فوج اور رینجرز کی طلبی کی سمری وفاق کو بھجوادی ہے۔

مزید پڑھیں

نیپال کرکٹ ٹیم ایشیا کپ میں شرکت کیلئے پاکستان پہنچ گئی

ایشیا کپ کے کمنٹری پینل کا اعلان، پاکستان کے کتنے کرکٹرز شامل؟

ایشیا کپ: پاک بھارت میچ ٹکٹس کی قیمتوں کی تفصیلات سامنے آگئیں

ذرائع کا کہنا ہے کہ وفاقی وزارت داخلہ کی منظوری کے بعد فوج اور رینجرز کی خدمات پنجاب حکومت کے سپرد کی جائیں گی۔

یاد رہے کہ ایشیا کپ 2023 کا آغاز 30 اگست سے ہو رہا ہے، جس کے 4 میچز پاکستان میں جبکہ فائنل سمیت 9 میچز سری لنکا میں کھیلے جائیں گے۔

پاکستان میں کھیلے جانے والے میچز میں 30 اگست کو ملتان میں پاکستان اور نیپال مد مقابل ہوں گے۔

اسی طرح 3 ستمبر کو لاہور میں بنگلادیش اور افغانستان کا میچ ہوگا جبکہ اسی میدان پر 5 ستمبر کو سری لنکا اور افغانستان مد مقابل ہوں گے۔

لاہور کے قذافی اسٹیڈیم میں دوسرے مرحلے کا ایک میچ 6 ستمبر کو کھیلا جائے گا۔