امریکا کے چڑیا گھرمیں31 جولائی کو ایک نایاب زرافہ پیدا ہوا جس کی خاص بات یہ ہے کہ اس کے جسم پر مخصوص نشانات نہیں بلکہ اس زرافے کا رنگ اونٹ کی طرح بھورا ہے۔

غیرملکی میڈیا کے مطابق امریکی ریاست ٹینیسی کے چڑیا گھر میں بھورے رنگ کا نایاب زرافہ پیدا ہوا ، زوانتظامیہ نے اس زرافے کا نام تجویزکرنے کے لیے خصوصی مقابلے کا بھی انعقاد کیا ہے۔

زو انتظامیہ کے مطابق یہ زرافے کا بچہ تقریبا ایک ماہ کا ہے اور اس کی عجیب و غریب بات یہ بھی ہے کہ اس کی گردن غیر معمولی طور پر لمبی نہیں ہے۔

ماں اور بچے کی محبت بھری ویڈیو کو بھی سوشل میڈیا پر بھر پور پزیرائی مل رہی ہے۔

سوشل میڈیا پر اس انوکھے زرافے کی ویڈیو کو ایک دن میں ہزاروں صارفین دیکھ چکے ہیں۔

مزید پڑھیں

دنیا کے سب سے خوش مزاج کتے جو سوشل میڈیا پر چھا گئے

سوشل میڈیا نے چوری کیا گیا بیل مالک تک پہنچا دیا

چڑیا گھر میں نرگوریلا کے ہاں بچے کی پیدائش

چڑیا گھر کی جانب سے بتایا گیا ہے کہ زرافہ 6 فٹ لمبا ہے اور اب اپنی ماں اور چڑیا گھر کے عملے کی نگرانی میں ہے۔