امریکی ریاست کیلیفورنیا کے گورنر گیون نیوزوم نے ہلیری نامی سمندری طوفان کے پیش نظرجنوبی حصے میں الرٹ جاری کردیا ہے۔

ممکنہ سمندری طوفان کی وجہ سے شدید بارش اور سیلاب کی توقع ہے۔ حکام نے کہا کہ کیلیفورنیا میں111 کلو میٹر فی گھنٹہ کی رفتارسے ہوائیں چل سکتی ہے۔

مزید بتایا کہ لاس اینجلس، سان ڈیاگو، جنوبی کیلیفورنیا، نیواڈا اور ایریزونا میں بارش متوقع ہے۔

امریکی نیشنل ویدرسروس کا کہنا ہے کہ 48 گھنٹے میں پورے سال کی بارش ہونے کا امکان اور سمندری طوفان پیشگوئی کے مقابلے میں زیادہ تیزی سے آگے بڑھ رہا ہے۔

واضح رہے کہ انتظامیہ نے کیلیفورنیا میں ساحلی لوگوں کیلئے شیلٹر ہومز قائم کر دیئے گئے ہیں۔