امریکی وزیرخارجہ انٹونی بلنکن نے انوارالحق کاکڑ کو نگراں وزیراعظم بننے پر مبارکباد پیش کی ہے۔

انٹونی بلنکن نے کہا کہ پاکستان میں آئین کے مطابق الیکشن کی تیاریاں ہیں، پاکستان میں معاشی خوشحالی کے لیے تعاون جاری رکھیں گے۔

انٹونی بلنکن نے نگراں وزیراعظم انوارالحق کاکڑ کو عہدے سنبھالنے پر مبارک باد بھی دی۔

دوسری جانب نگراں وزیراعظم انوار کاکڑ نے سماجی رابطے کی ویب سائٹ ٹویٹر پر امریکی وزیرخارجہ کو جوابی ٹویٹ کرتے ہوئے شکریہ ادا کیا اورواضح کیا کہ شفاف انتخابات کیلئے معاونت فراہم کریں گے۔

نگراں وزیراعظم انوارالحق کاکڑ کا کہنا تھا کہ پاکستان کی معیشت اور جمہوریت کے استحکام کیلئے پرعزم ہیں، اور امریکا کے ساتھ تعلقات کو اہمیت دیتے ہیں۔