لاہور میں واہگہ بارڈر پر پرچم اتارنے کی تقریب کے دوران بھارت کی بارڈر سیکیورٹی فورس (بی ایس ایف) اہلکار کی بندوق گرگئی۔

یوم آزادی کی مناسبت سے ہونے والی تقریبات میں واہگہ بارڈر پر پرچم اتارنے کی شاندار اور روایتی تقریب منعقد ہوئی۔

پرچم اتارنے کی تقریب کے دوران نوجوان، بزرگ، بچوں اور خواتین کی بڑی تعداد موجود تھی۔

مزید پڑھیں

واہگہ بارڈر پر پریڈ کے دوران بھارتی فوجی ایک بار پھر توازن کھو بیٹھا

لاہور: واہگہ بارڈر پر قومی پرچم اتارنے کی تقریب

انجو نے واہگہ بارڈر پربنائی گئی ویڈیو شیئرکردی

رینجرز کے چاق و چوبند دستے نے پرچم اتارنے کی پریڈ میں حصہ لیا، اس موقع پر رینجرز کے جوانوں کے ساتھ ساتھ عوام کا جوش و خروش اور فلک شگاف نعرے بے مثال تھے۔

رینجرز کی دلیرانہ انداز کی پریڈ کے دوران تقریب دیکھنے کے لیے موجود عوام اللہ اکبر اور پاکستان زندہ باد کے فلک شگاف نعرے بلند کرتے رہے۔

رینجرز کے جوانوں کی بوٹس کی دھمک سے ان کا عزم اور ہمت گونجتی سنائی دی۔

پریڈ کے دوران بھارتی سپاہی بندوق نہ سنبھال سکا، بھارتی سپاہی سے بندوق گری تو دوسرے سپاہی نے زمین سے بندوق اٹھا کر ساتھی اہلکار کو پکڑائی۔