لاہور ہائیکورٹ نے بغیر ہیلمٹ موٹرسائیکل سواروں کو پیٹرول نہ دینے کا حکم معطل کردیا ہے۔

یہ حُکم ڈپٹی کمشنر لاہور کی جانب سے جاری کیا گیا تھا۔

حکم کے خلاف دائر درخواست کی سماعت جسٹس راحیل کامران شیخ نے کی۔

عدالت نے استفسار کیا کہ اپ آئین کے آرٹیکل 18 کو کیسے معطل کر سکتے ہیں،ہیلمٹ کے بغیر پیٹرول نہ دینے کا کوئی قانون موجودنہیں۔

ڈپٹی کمشنر کے حکم کوخلاف قانون قرار دیتے ہوئے ڈی سی لاہور ،آئی جی پنجاب اورسی سی پی او سے جواب طلب کرلیا۔

واضح رہے کہ لاہور میں پیٹرول پمپس پر بغیر ہیلمٹ موٹرسائیکل سواروں کو پیٹرول دینے پر پابندی کا نوٹیفکیشن 6 جولائی 2023 کو جاری کیا گیا تھا۔

ڈپٹی کمشنر رافعہ حیدر کا کہنا تھا کہ ہیلمٹ استعمال نہ کرنے سے حادثات میں قیمتی جانیں ضائع ہوتی ہیں جن کا تحفظ یقینی بنانے کیلئے پابندی عائد کی گئی۔