مشرقی فرانس کے ایک قصبے میں ذہنی امراض کے مرکز میں لگنے والی آگ نے متعدد جانیں لے لیں۔ فائر فائٹرز نے نو لاشوں کی تصدیق کردی ہے جبکہ دو افراد کی تلاش جاری ہے۔

ریکسیو سروسز کے مطابق مرکز میں موجود اٹھائیس میں سے سترہ لوگوں کو بحفاظت نکال لیا گیا ہے۔ ہلاک ہونے والے افراد مرکز کی پہلی منزل پر مقیم تھے۔

مرکز میں قریبی شہر نینسی سے معذور بالغ افراد کا ایک گروپ چھٹیاں گزار رہا تھا۔

مزید پڑھیں

غریب بھڑک اٹھے یا مسلمان مشتعل ہوئے، فرانس میں احتجاج کیوں

فرانس کی جادوئی سڑک جو دن میں صرف دو بار ہی نظر آتی ہے

فرانس: نبی کریم ﷺ کے گستاخانہ خاکوں کی نمائش پر استاد قتل

فرانسیسی صدر ایمانوئل ماکروں نے اس تباہی کو ایک ”سانحہ“ قرار دیا ہے، جبکہ وزیر اعظم الزبتھ بورن متاثرہ قصبے کے دورے کے لئے روانہ ہوگئی ہیں۔

آتشزدگی کی اطلاع ملنے کے بعد ستر سے زائد فائر فائٹرز نے آگ بجھانے کی کاروائیوں میں حصہ لیا۔