لاپتہ افراد کمیشن نے اپنی پیشرفت رپورٹ سپریم کورٹ میں جمع کروادی۔ جس میں کہا گیا کہ جولائی میں لاپتہ افراد کی تعداد میں 157 افراد کا اضافہ ہوا۔

رپورٹ کے مطابق لاپتہ افراد کی مجموعی تعداد 9 ہزار 736 سے بڑھ کر 9 ہزار 893 تک پہنچ گئی۔ 31 جولائی تک لاپتہ افراد کے مجموعی طور پر 7 ہزار 616 مقدمات نمٹائے گئے۔

رپورٹ میں بتایا گیا کہ لاپتہ افراد کمیشن کے پاس تاحال 2 ہزار 277 مقدمات زیر التوا ہیں۔

رپورٹ میں مزید بتایا گیا کہ رواں سال اب تک جبری گمشدگیوں کے 690 کے کیسز رپورٹ ہوئے جبکہ 615 مقدمات نمٹائے گئے۔