خیبراورجنوبی وزیرستان کے اضلاع میں سیکیورٹی فورسز کے آپریشن کے دوران 3 دہشتگرد مارے گئے۔

پاک فوج کے شعبہ تعلقات عامہ (آئی ایس پی آر) کے مطابق دو مختلف آپریشنز میں 3 دہشتگرد ہلاک ہوئے۔

خیبرکےعلاقےباغ میں سیکیورٹی فورسزاوردہشتگردوں میں فائرنگ کا تبادلہ ہوا۔ سیکیورٹی فورسز نے کامیابی سے دہشتگردوں کا محاصرہ کیا، اس دوران فائرنگ سے ایک دہشتگرد ہلاک ہوا۔

جنوبی وزیرستان میں فائرنگ کے تبادلے میں 2 دہشتگرد ہلاک ہوئے۔ ہلاک دہشتگرد سیکیورٹی فورسزاورشہریوں پرحملوں میں ملوث تھے۔

آئی ایس پی آر کے مطابق دہشتگردوں کی تلاش کے لیے آپریشن جاری ہے، علاقہ مکینوں نےآپریشن پرسیکیورٹی فورسزکوسراہا۔