وفاقی مالیاتی ادارے فیڈرل بورڈ آف ریوینیو (ایف بی آر) نے قومی ائرلائن پی آئی اے کے تمام بینک اکاؤنٹس منجمد کردیے۔

ایف بی آر ذرائع کے مطابق پی آئی اے پر 4 ارب روپے ٹیکس واجب الادا ہے، واجبات کی عدم ادائیگی پر اکاؤنٹس منجمد کیے گئے ہیں۔

پی آئی اے نے ٹکٹس پر فیڈرل ایکسائز ڈیوٹی (ایف ای ڈی) کی مد میں 4 ارب روپے اکٹھے کر رکھے ہیں۔

ترجمان پی آئی اے نے ایف بی آر کی جانب سے بینک اکاؤنٹس منجمد کئے جانے کی تصدیق کرتے ہوئے کہا ہے کہ اکاؤنٹس کی بحالی کیلئے ایف بی آر سے رابطے جاری ہیں۔

ترجمان پی آئی اے کا کہنا ہے کہ اکاؤنٹس بندش کے باوجود فضائی آپریشن جاری ہے۔