خیبر پختونخوا میں باڑہ بازار تحصیل کمپاؤنڈ حملے میں اپنے ساتھی پولیس اہلکاروں کو کھونے کے بعد ڈی ایس پی جہانگیر آفریدی اپنے جذبات پر قابو کھو بیٹھے اور آبدیدہ ہوگئے، پولیس آفیسر کی آئی جی خیبر پختونخوا سے فریاد کی ویڈیو وائرل ہوگئی۔

ڈی ایس پی جہانگیر آفریدی نے آئی جی خیبر پختونخوا سے کہا شہداء کے بچے آخر کب تک روئیں گے، آخر ہم کیا کریں گے اور ہم کہاں جائیں گے۔

پولیس آفیسر نے کہا کہ بچوں کو معلوم بھی نہیں کہ ان کا والد شہید ہوا ہے۔

آئی جی خیبر پختونخوا نے جواب دیا کہ آپ ان کے بڑے ہیں، آپ ہمت نہیں ہاریں گے، یہ ہمارا خون ہی ہے۔

پولیس آفیسر نے جواباً کہا کہ مزید یہ قابل برداشت نہیں۔