نائب امیرجماعت اسلامی خیبر شاہ فیصل آفریدی کے گھر کے باہر دھماکا ہوا ہے، تاہم خوش قسمتی سے کوئی جانی نقصان نہیں ہوا۔

پولیس حکام کے مطابق باڑہ میں جماعت اسلامی خیبر کے نائب امیر شاہ فیصل آفریدی کے گھر کے باہر دھماکا ہوا، جس میں گھر کا مرکزی دروازہ ٹوٹ گیا تاہم خوش قسمتی سے کوئی جانی نقصان نہیں ہوا۔

پولیس حکام کا کہنا ہے کہ واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی، ابتدائی تفتیش کے مطابق دھماکا گھر کے مرکزی دروازے پر ہوا، پولیس نے جائے وقوعہ سے شواہد جمع کرکے تفتیش شروع کردی ہے۔