سندھ کے شہر حیدرآباد میں مہران پُل کے قریب دریائے سندھ میں نہاتے ہوئے 3 بھائی ڈوب گئے۔

ریسکیو ذرائع کے مطابق افسوسناک واقعہ حیدرآباد میں مہران پُل کے قریب پیش آیا جہاں دریائے سندھ میں 3 بھائی ڈوب گئے۔

ڈوبنے والے 3 بھائیوں میں سے ایک کو بچالیا گیا جبکہ 2 بھائی 14سالہ حسنین اور 15 سالہ حُنین سومرو کی تلاش جاری ہے۔

ریسکیو سرگرمیوں میں مصروف اہلکاروں کا کہنا ہے کہ تینوں بھائی معیز، حسنین اور حنین دریا میں نہانے کے دوران ڈوبے۔

تینوں بھائی قاسم آباد کے علاقے نسیم نگر سومرو گوٹھ کے رہائشی ہیں۔

خیال رہے کہ اس سے قبل رواں برس اپریل میں بھی سیر و سیاحت کے لیے جانے والے 3 نوجوان ڈوب گئے تھے۔