پشاور میں پلاٹ کے تنازع پر جرگے کے دوران فائرنگ سے 4 افراد جاں بحق اور دو زخمی ہوگئے۔

پولیس حکام کے مطابق پشاور میں دیرکالونی کے علاقے میں واقع ایک پلاٹ کے تنازع پر جرگہ بلایا گیا تھا، تاہم فریقین نے فائرنگ کرکے 4 افراد کو قتل اور دو کو زخمی کردیا۔

پولیس کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں اور زخمیوں کو اسپتال منتقل کردیا گیا۔

حکام نے بتایا کہ فائرنگ کا واقعہ تھانہ رحمان بابا کی حدود غفور آباد میں پیش آیا، اور چاروں سگے بھائی قتل ہوگئے، جاں بحق ہونے والوں میں پی ٹی آئی ناظم ہزار خوانی ملک وحید اور ان کے تین بھائی شکیل، رفعت اللہ اور نثار شامل ہیں۔