لاہور میں کانسٹیبل کو فائرنگ کرکے زخمی کرنے والے دونوں ملزمان کو گرفتار کرلیا گیا۔

پولیس کا کہنا ہے کہ ملزمان عدنان اور علی ولایت گرفتار کرلیا جن کے قبضے سے دو پستول اور گولیاں برآمد کرلی گئی ہیں۔

پولیس کے مطابق یکم جون کو شاہدرہ پولیس نے موٹر سائیکل سواروں کو رکنے کا اشارہ کیا تو ملزمان نے رکنے کے بجائے فائرنگ کی اور فرار کی کوشش کی تھی۔

پولیس نے بتایا کہ پولیس کی جانب سے تعاقب کرنے پر ملزمان نے فائرنگ کردی جس سے کانسٹیبل عدنان زخمی ہوا تھا۔