وفاقی وزیراطلاعات مریم اورنگزیب کا کہنا ہے کہ پی ٹی وی پر حملہ کرنے والے نے ریڈیو پاکستان جلایا، پاکستان کے عوام کے پاس دو لوگوں کا آپشن ہے، ایک شخص جس نے ملک کو نقصان پہنچایا، دوسرے نے ترقی دی، ایک شخص نے ملک کو قرضوں میں ڈبو دیا، دوسرے شخص نے مہنگائی کم کی اور ملک کوترقی دی۔

اسلام آباد میں پریس کانفرنس کرتے ہوئے مریم اورنگزیب نے کہا کہ پی ٹی آئی حکومت نے بیروزگاری بڑھائی، معیشت تباہ کی، معیشت تباہ کرنے والے آج آئی ایم ایف پروگرام پر بات کر رہے ہیں۔

انہوں نے کہا کہ یہ لوگ ذاتی ایجنڈے کیلئے ملک کو داؤ پر لگا رہے ہیں، صرف نوازشریف ہی ملک کوبحرانوں سےنکال سکتےہیں۔ نوازشریف نےبیٹی کےساتھ ڈیڑھ سو سے زائد پیشیاں بھگتی ہیں۔

مریم اورنگزیب نے کہا کہ شہبازشریف نےآئی ایم ایف کےمعطل پروگرام کوبحال کیا۔

ان کا مزید کہنا تھا کہ پاناما کا فیصلہ اقامہ میں تبدیل کیا گیا، نواز شریف کو نااہل کرنے کیلئےجوڈیشری کو استعمال کیا گیا، انہیں ہٹانے کیلئے بڑے پیمانے پر سازش کی گئی۔