سابق وزیراعلیٰ پنجاب عثمان بزدار آمدن سے زائد اثاثہ جات کیس میں آج بھی نیب کے روبرو پیش نہ ہوسکے، نیب کے 30 سوالوں پر مشتمل سوالنامے کا جواب پیش کردیا گیا۔

نیب لاہور نے عثمان بزدار کو آج صبح 11 بجے طلب کیا تھا مگر انہوں نے پیش ہونے سے معذرت کرلی۔

ذرائع کے مطابق عثمان بزدار نے نیب کے 30 سوالوں پر مشتمل سوالنامے کا جواب پیش کردیا ہے۔

ذرائع کے مطابق عثمان بزدار نے نمائندے کے ذریعے تحریری طور آج پیش ہونے سے معذرت کرتے ہوئے کہا کہ وہ ذاتی مصروفیات کی وجہ سے نیب آفس پیش نہیں ہوسکتے ، تاہم وہ نیب کی تحقیقات سے فرار نہیں ہونا چاہتے، نیب تحریری معذرت قبول کرے۔

نیب لاہور نے سابق وزیراعلیٰ پنجاب عثمان بزدار کو آج 13ویں بار طلب کیا تھا۔