چیئرمین پاکستان تحریک انصاف عمران خان نے اسلام آباد ہائیکورٹ کے چیف جسٹس جسٹس عامر فاروق پرعدم اعتماد کا اظہار کرتے ہوئے توشہ خانہ کیس ٹرائل کے خلاف درخواستیں دوسرے بینچ کو منتقل کرنے کی درخواست دائر کردی۔

اسلام آباد ہائیکورٹ میں بیرسٹرگوہر کی وساطت سے دائرکی جانے والی درخواست میں استدعا کی گئی ہے کہ چیف جسٹس اسلام آباد ہائیکورٹ عامرفاروق غیرجانبداری کے تقاضے پورے کرنے کیلئے توشہ خانہ ٹرائل سے متعلقہ درخواستیں ںہ سنیں ۔

عمران خان کی جانب سے کہا گیا ہے کہ بینچ نہ صرف غیرجانبدارہونا چاہیے بلکہ غیرجانبداری نظربھی آئے۔

درخواست میں مزید کہا گیا ہے کہ ٹیریان کیس کا فیصلہ دو ججز نے جاری کیا۔ چیف جسٹس نے بغیرکسی وضاحت کے پریس ریلیزکےذریعے روک دیا۔

عمران خان نے تحفظات کا اظہار کرتے ہوئے کہا کہ میرا پورا سیاسی کیرئیر ان مقدمات کی وجہ سے رسک پر ہے۔

واضح رہے کہ توشہ خانہ ٹرائل سے متعلقہ 5مئی کےآرڈرکیخلاف درخواستیں زیرالتوا ہیں۔ سیشن کورٹ کے فیصلے کیخلاف عمران خان کی اپیلیں چیف جسٹس ہائیکورٹ کی عدالت میں زیرسماعت ہیں۔

عمران خان کی درخواست میں ڈسٹرکٹ الیکشن کمیشن کو فریق بنایا گیا ہے۔