پشاور: خیبر پخونخوا کی بار کونسل نے ریٹائرڈ ججز کو ماتحت عدالتوں میں وکالت کرنے سے روک دیا۔

کےپی بار کونسل کی جنرل باڈی میں منظوری کے بعد خیبرپختونخوا بار کونسل نے صوبے کے تمام بار ایسوسی ایشنز کو مراسلہ ارسال کردیا۔

مراسلے میں لکھا گیا ہے کہ کئی ریٹائرڈ ججز ماتحت عدالتوں میں وکالت کر رہے ہیں حالانکہ ریٹائرڈ ججز ماتحت عدالتوں میں بطور وکیل پیش نہیں ہو سکتے۔

بار کونسل کا کہنا ہے کہ ریٹائرڈ ججز کا ماتحت عدالتوں میں وکالت بار کونسل رولز 2010 کے رول 56 کی خلاف ورزی ہے اس لئے انہیں ماتحت عدالتوں میں وکالت سے روکا جائے۔