کراچی ایئرپورٹ سے اٹلی جانے والے مسافر کا افغان پاسپورٹ اور پاسپورٹ پر اٹلی کی اسٹیمپ جعلی نکلی۔

ایف آئی اے امیگریشن نے کراچی ایئرپورٹ پر کارروائی کرتے ہوئے اٹلی جانے والے مسافر کو آف لوڈ کردیا۔

ترجمان ایف آئی اے کے مطابق اسحاق بارو نامی مسافر فلائٹ ٹی کے 709 سے اٹلی جا رہا تھا، چینکنگ کے دوران مسافرکا پیش کیا جانے والا افغان پاسپورٹ جعلی نکلا، اور اس کے پاسپورٹ پر اٹلی کی اسٹیمپ بھی جعلی تھی۔

ایف آئی اے حکام نے بتایا کہ مسافر کو مزید تفتیش کیلئے ایف آئی اے انسدادانسانی اسمگلنگ سیل کے حوالے کردیا گیا ہے۔