وزیراعظم شہبازشریف نے اسرائیل کے توسیعی منصوبے کی شدید مذمت کرتے ہوئے کہا ہے کہ اسرائیل کےغیرقانونی اقدام امن کےلیے خطرہ ہیں۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف کا کہنا تھا کہ اسرائیل کے توسیعی منصوبے کی شدید مذمت کرتے ہیں، اسرائیل مقبوضہ مغربی پٹی میں 4500 گھروں کی تعمیر کررہا ہے، یہ عالمی تسلیم شدہ دو ریاستی حل کو مزید دور کردے گا۔

وزیراعظم کا کہنا تھا کہ اسرائیل کے غیر قانونی اقدام امن کے لیے خطرہ ہیں، اسرائیل کو بین الاقوامی قوانین کا کوئی احترام نہیں، پاکستان فلسطینیوں کی حمایت جاری رکھے گا۔