سندھ ہائیکورٹ نے میئر کراچی کے براہ راست انتخاب کے خلاف کیس میں حافظ نعیم کی درخواست پر تحریری حکم نامہ جاری کردیا۔

دو رکنی بینچ نے چار صفحات پرمشتمل تحریری فیصلہ میں کہا کہ شیڈول جاری ہونے کے بعد الیکشن ملتوی نہیں کیا جاسکتا، جماعت اسلامی کی درخواست مسترد کی جاتی ہے۔

عدالت نے بلدیاتی ترمیمی ایکٹ 2023 کے خلاف فریقین سے دلائل طلب کرلیے۔

گزشتہ روز سندھ ہائیکورٹ نے میئر کراچی کے الیکشن کمیشن کے نوٹیفیکیشن کی معطلی سے متعلق حکم امتناع کی درخواست مسترد کرتے ہوئے بلدیاتی ایکٹ میں ترمیم کے خلاف حافظ نعیم الرحمان کی درخواست پر سماعت 22 جون کے لیے مقرر کی تھی۔

عدالت عالیہ نے ریمارکس دیے کہ اگر پٹیشن منظور کی تو جو غیر منتخب نمائندہ میئر، ڈپٹی میئر، چیئرمین اور وائس چئرمین جو بھی ہوگا وہ ہٹ جائے گا۔ فی الوقت تمام امیدوار الیکشن میں حصہ لے سکتے ہیں۔