امریکا میں ڈیجیٹل ٹیکنالوجی کی کمپنی مائیکر وسافٹ پر بچوں کا غیر قانونی ڈیٹا اکھٹا کرنے پر دو کروڑ ڈالر جرمانہ عائد ہوگیا۔

امریکہ کے فیڈرل ٹریڈ کمیشن (ایف ٹی سی) کے مطابق مائیکروسافٹ نے اپنے ڈیجیٹل کنسول ایکس باکس پر ویڈیو گیمز کھیلنے والے بچوں کا ڈیٹا غیر قانونی طور پر اکھٹا کیا اور اسے اپنے پاس رکھا جب کہ ڈیٹا اکھٹا کرنے کے لیے والدین کی اجازت لینا ضروری تھی۔

ایف ٹی سی کا کہنا ہے کہ بچوں کا ڈیٹا جمع کرنا اور اسے اپنے پاس رکھنا، فیڈرل ادارے کے بچوں سے متعلق آن لائن پرائیوسی پروٹیکشن ایکٹ کی خلاف ورزی ہے۔

واضح رہے کہ مائیکروسافٹ اپنے ایکس باکس پر ویڈیو گیمز کھیلنے والے بچوں کا ڈیٹا غیر قانونی طور پر اکھٹا کیا اور الزامات کے تصفیے کے لیے دو کروڑ ڈالر جرمانہ بھرنے پر رضا مندی ظاہر کردی ہے۔

مائیکروسافٹ کارپوریٹ کے ایکس باکس شعبے کے نائب صدر ڈیو مک کارتھی کا کہنا ہے کہ کمپنی یہ یقینی بنائے گی ایکس باکس کے لیے اکاؤنٹ کھولنے کے عمل میں بچوں کے والدین کو بھی شامل کیا جائے۔

انھوں نے کہا کہ کمپنی عمر کی تصدیق کے حوالے سے اضافی اقدامات کر رہی ہے۔ سب سے اہم معاملہ عمر کی تصدیق کی ٹیکنالوجی کو بہتر بنانا اور بچوں اور ان کے والدین کو نجی معلومات کے مسائل کے بارے میں آگاہ کرنا ہے۔