پشاور: وزیراعلیٰ خیبرپختونخوا کے پرنسپل سیکرٹری 73 دن کی طویل چھٹیوں پر چلے گئے۔

محکمہ انتظامی امور نے پرنسپل سیکرٹری امجد علی خان کی چھٹیوں کی منظوری کا اعلامیہ جاری کردیا۔

اعلامیے کے مطابق امجد علی خان 73 روز کے لئے چھٹیوں پر رہیں گے، انہیں میڈیکل بنیاد پر چھٹیاں دی گئی ہیں۔

محکمہ انتظامی امور کے اعلامیے میں کہا گیا ہے کہ امجد علی خان کی چھٹیوں سے واپسی تک اسپیشل سیکرٹری مسعود یونس کو پرنسپل سیکرٹری کا اضافی چارج سونپ دیا گیا ہے۔