لاہور کی انسداد دہشت گردی عدالت نے تھانہ شادمان نذر آتش کیس میں گرفتار سات نو عمر لڑکوں کو 14 روزہ جوڈیشل ریمانڈ پر جیل بھجوا دیا۔

پولیس نے تھانہ شادمان نذرآتش کیس میں گرفتار سات نوعمر لڑکوں کو عدالت میں پیش کیا اور جسمانی ریمانڈ کی استدعا کی۔ تفتیشی افسر نے عدالت کو بتایا کہ ملزمان کی شناخت پریڈ میں شناخت ہو چکی ہے۔

عدالس نے ریمارکس دیے یہ تو نظر آ رہا ہے کہ ملزمان کم عمر ہیں، کئی لڑکوں کی تو ابھی موچھیں بھی نہیں نکلیں۔ فاضل جج نے کہا کہ چھوٹے بچے ہیں ان کا مستقبل تباہ نہ ہو جائے، ہمیں ان کوشک کا فائدہ بھی دینا چاہئے۔

عدالت نے ملزمان کی کم عمری کے باعث جسمانی ریمانڈ کی استدعا مسترد کرتے ہوئے انھیں 14 روزہ جوڈیشل ریمانڈ پر جیل بھجوا دیا۔