چیف جسٹس سندھ ہائیکورٹ نے کندھکوٹ سے اغوا ہونے والے ہندو بچے کے اغوا کا نوٹس لے لیا۔

گزشتہ دنوں کندھ کوٹ سے اغوا ہونے والے مغوی ہندو بچے کے ہاتھ بندھی ویڈیو سوشل میڈیا پر وائرل کی گئی تھی، جس پر سندھ ہائی کورٹ نے نوٹس لے لیا ہے۔

چیف جسٹس سندھ ہائیکورٹ احمد علی ایم شیخ نے کندھ کوٹ سے اغوا ہونے والے ہندو بچے کے اغوا کا نوٹس لیتے ہوئے آئی جی سندھ اور ایس ایس پی کندھ کوٹ سے دو دن میں رپورٹ طلب کرلی ہے۔

سندھ ہائی کورٹ کے چیف جسٹس نے سیشن جج کندھ کوٹ کو بھی 2 روز میں رپورٹ پیش کرنے کی ہدایت کی ہے۔

مغوی ہندو بچے کے ہاتھ باندھ کر ویڈیو سوشل میڈیا پر وائرل کی گئی تھی، جس میں بچے کو ہاتھ باندھ کر کھانا دینے کا منظر دکھایا گیا تھا۔ ویڈیو وائرل ہونے کے بعد خبر مقامی اخبار میں شائع کی گئی تھی۔