سندھ ہائیکورٹ نے صوبے میں جعلی ڈومیسائل کے اجراء کے خلاف درخواست مسترد کردی۔

سندھ ہائیکورٹ نے سندھ میں جعلی ڈومیسائل کے اجراء کے خلاف ایم کیو ایم کے رہنما خواجہ اظہار الحسن کی درخواست پر فیصلہ سنا دیا۔

عدالت نے مبینہ جعلی ڈومیسائل کے اجراء کے خلاف درخواست مسترد کردی۔

ایم کیو ایم کے خواجہ اظہار الحسن نے جعلی ڈومیسائل کے اجرا کیخلاف درخواست دائر کی تھی۔

دائر درخواست میں مؤقف اپنایا گیا تھا کہ جعلی ڈومیسائل بنا بنا کر نوکریوں کو بیچا جا رہا ہے، شہری، دیہی کوٹے پر بھی شہری کوٹے کے ساتھ بدنیتی کی جارہی ہے۔ شہری علاقوں میں بڑے پیمانے پر جعلی ڈومیسائل، پی آر سی بنائے جا رہے ہیں، گزشتہ دس سالوں میں ہزاروں ایسے ڈومیسائل اور پی آر سی بنائے گیے، جعلی ڈومیسائل بنانے میں ایک بنانے میں ایک مضبوط مافیا کام کر رہا ہے،سکھر میں 80، 80 ہزار میں ڈومیسائل بنائے جا رہے ہیں۔

ایڈیشنل ایڈوکیٹ جنرل نے مؤقف دیا تھا کہ سندھ حکومت نے جعلی ڈومیسائل کی شکایات سننے کے لیے کمشنر اور تمام ڈپٹی کمشنرز کی سربراہی میں کمیٹیز تشکیل دی ہوئی ہیں، جعلی ڈومیسائل پر شکایت کے بعد ہی کمیٹی تشکیل دی گئی ہے، حکومت سندھ نے کمیٹی تشکیل دے دی ہے کسی کو شکایات تو اس سے رجوع کریں۔

خواجہ اظہار نے مؤقف دیا تھا کہ اس کے کئے جوڈیشل انکوائری کرائی جائے۔

ایڈیشنل ایڈووکیٹ جنرل نے ڈومیسائل کی تحقیقات کے لئے جوڈیشل کمیٹی بنانے کی مخالفت کی تھی۔