چیف جسٹس پاکستان عمر عطا بندیال سے اسلام آباد ہائیکورٹ کے 5 ججز نے اہم ملاقات کی ، جس میں زیر سماعت مقدمات سے متعلق بات چیت ہوئی۔

سپریم کورٹ میں ایک اور بڑی ملاقات ہوئی ہے، جس میں چیف جسٹس سپریم کورٹ سے اسلام آباد ہائیکورٹ کے 5 ججز نے ملاقات کی۔

ذرائع کے مطابق معزز جج صاحبان کے درمیان ملاقات 3 گھنٹے سے زائد جاری رہی جبکہ چیف جسٹس اسلام آباد ہائیکورٹ جسٹس عامر فاروق ملاقات میں موجود نہیں تھے۔

ذرائع کا کہنا ہے کہ ملاقات میں زیر سماعت مقدمات اور دیگر قانونی و آئینی امور پر بات ہوئی۔