پاکستان تحریک انصاف کے رہنما فواد چوہدری نے مقدمات کی تفصیلات اور حفاظتی ضمانت کے لیے لاہور ہائیکورٹ سے رجوع کرلیا۔

لاہور ہائیکورٹ میں فواد چوہدری نے اپنے وکیل ظفر اقبال منگن کے توسط سے درخواست دائر کی۔

درخواست میں مؤقف اپنایا گیا کہ فواد چوہدری کے خلاف سیاسی بنیادوں پر بے بنیاد مقدمات درج کیے جانے کا خدشہ ہے، حکومت نامعلوم مقدمات بنا کر گرفتار کرنا چاہتی ہے، درخواست گزار نے اپنے خلاف درج مقدمات میں ضمانت کے رکھی یے۔

درخواست میں استدعا کی گئی کہ عدالت فواد چوہدری کے خلاف درج مقدمات کی تفصیلات طلب کرے اور نامعلوم مقدمات میں حفاظتی ضمانت منظور کرے۔