لاہور میں جلاؤ گھیراؤ، توڑ پھوڑ اور پُرتشدد کارروائیوں کے باعث تین روز سرکاری اسکول بند رہنے کے بعد آج سے کھل گئے ہیں۔

کشیدہ حالات کے باعث کچھ بچے آج تعلیمی اداروں میں نہیں جانا چاہتے تھے، تو کئی والدین بچوں کو آج اسکول بھیجنے کے حق میں نہیں تھے۔

اساتذہ بھی کشیدہ حالات سے پریشان نظر آئے اور کہا کہ تدریسی عمل کا ہرج ہوتا ہے ایسی صورتحال اب دوبارہ نہیں ہونی چاہیے۔

سرکاری اسکولوں میں حاضری آج انتہائی کم رہی جبکہ پرائیویٹ اسکولز اور سرکاری و نجی جامعات میں 15 مئی سے تدریسی عمل بحال ہوگا۔