سعودی عرب نے ایران کے ساتھ تعلقات کی بحالی کے بعد تہران میں اپنا نیا سفیر مقرر کردیا ہے۔

غیرملکی میڈیا کے مطابق ایرانی وزیر خارجہ حسین امیر عبد اللہیان کا کہنا ہے کہ سعودی عرب نے تہران میں اپنا نیا سفیر تعینات کیا ہے۔

انہوں نے کہا کہ ایران میں سعودی عرب کا سفارت خانہ آئندہ چند روز میں کھل جائے گا اور ایران بھی جلد سعودی عرب میں اپنا نیا سفیر تعینات کرے گا۔

دوسری جانب ایران کے وزیرخزانہ کی قیادت میں وفد جدہ پہنچ گیا ہے جبکہ چین کی ثالثی میں سفارتی تعلقات کی بحالی کے بعد ایرانی عہدیدار کا یہ پہلا دورہ ہے۔

یاد رہے کئی برسوں کی کشیدگی کے بعد مارچ میں چین کی ثالثی میں ایران اور سعودی عرب کے درمیان تعلقات میں بہتری آ رہی ہے۔