راولپنڈی پولیس نے جی ایچ کیو پر ہونے والے حملے کا مقدمہ سابق وزیر قانون پنجاب راجہ بشارت سمیت تحریک انصاف کے 15 کارکنوں کے خلاف درج کرلیا ہے۔

پولیس مدعیت میں درج ایف آئی آر کے متن کے مطابق عمران خان کی گرفتاری کے بعد تحریک انصاف کے کارکنوں نے تھانہ آر اے بازار میں جی ایچ کیو پر حملہ کیا۔

ایف آئی آر کے مطابق نامزد ملزمان نے گزشتہ روز جی ایچ کیو گیٹ نمبر ایک پر حملہ کیا توڑ پھوڑ کی۔

متن کے مطابق نامزد ملزمان پیٹرول بموں سے لیس تھے اور افواج پاکستان کے خلاف نعرے بازی کرتے رہے، ملزمان نے سابق صوبائی وزیر راجہ بشارت کی قیادت میں جی ایچ کیو بلڈنگ کے شیشے توڑے۔

مقدمے میں انسداد دہشت گردی سمیت 9 دفعات لگائی گئی ہیں۔