سندھ حکومت نے صوبے بھر میں امن وامان برقرار رکھنے کے لیے دفعہ ایک سو چوالیس نافذ کردی ہے۔ محکمہ داخلہ سندھ کی جانب سے نوٹیفکیشن بھی جاری کر دیا گیا ہے۔

نوٹیفکیشن کے مطابق سندھ میں مظاہروں، احتجاج، دھرنوں اور ریلیوں میں چار سے زائد افراد کے جمع ہونے پر پابندی ہوگی، خلاف ورزی کرنے والوں کو گرفتار کرکے مقدمات درج کیے جائیں گے۔

موجودہ صورتحال کے پیش نظر کراچی امن و امان کو برقرار رکھنے کیلئےآئی جی سندھ نے کراچی کے تین ڈی آئی جیز کو اضافی نفری دے دی گئی ہے، ہر زونل ڈی آئی جی کو پانچ سو اضافی اہلکار دیئے گئے ہیں۔

اضافی نفری رزاق آباد اور سعیدآباد ٹریننگ سینٹر سے دی گئی ہے۔