لاہور میں کینال روڈ پر ٹریفک پولیس اہلکاروں کی جانب سے دو نوجوانوں پر تشدد کی وڈیو سامنے آنے پر سی ٹی او لاہور نے ٹریفک اسسٹنٹ غلام حسین کو معطل کر دیا۔

ٹریفک پولیس اہلکاروں کا دو نوجوانوں پر تشدد کا واقعہ کینال روڈ ایف سی پُل کے قریب پیش آیا۔ واقعے کی موبائل فوٹیج سوشل میڈیا پر وائرل ہوگئی۔

ترجمان سٹی ٹریفک پولیس کے مطابق ٹریفک وارڈن مقصود عالم نے بغیر ہیلمٹ کے موٹرسائیکل سوار کا چالان کیا۔ چالان ہونے پر موٹرسائیکل سوار طیش میں آگیا اور سڑک کے درمیان موٹرسائیکل کھڑی کردی۔

ٹریفک اسٹنٹ غلام حسین نے رد عمل کا اظہار کیا جوکہ صریحاً غلط تھا۔ سی ٹی او لاہور نے واقعہ کا نوٹس لیتے ہوئے ٹریفک اسسٹنٹ غلام حسین کو معطل کر دیا۔