سعودی سے تعلقات کا بحال ہونے بعد ایران کی دوسرے ممالک کے ساتھ قربتیں بڑھنے لگی ہیں جس کے پیشِ نظرحال میں ایک خبر سامنے آئی ہے کہ ایرانی صدر ابراہیم رئیسی آئندہ ہفتے کے دوران شام کا دورہ کریں گے۔

مذکورہ پیش رفت سے متعلق شامی حکومت کے قریبی ذرائع نے خبر رساں ایجنسی روئٹرز کو بتایا ہے کہ ایرانی صدر2011 کے بعد پہلی مرتبہ اپنے اہم اتحادی شامی صدر بشار الاسد سے ملیں گے۔

یاد رہے ایران اور روس کی فوجی اور معاشی امداد کے توسط سے بشارالاسد ملک میں 2010 سے جاری تنازعے رُخ پلٹنے میں کامیاب ہوکر اقتدار میں آئے تھے۔

روزنامہ الوطن کے مطابق ابراہیم رئیسی شام کا دو روزہ دورہ کریں اور اس دوران دونوں ممالک کے درمیان معاشی تعاون سمیت دیگرمعاہدوں پر دستخط کئے جانے کا امکان ہے۔

واضح رہے کہ ایک عالمی خبر رساں ایجنسی نے ذرائع کا حوالے دیتے ہوئے بتایا تھا کہ ایران نے شام میں آنے والے زلزلے کے دوران ریلف کی آڑ میں اسلحہ اور فوجی سامان منتقل کیا تھا۔