امریکی ایوانِ صدر وائٹ ہاؤس کی جانب سے جاری ایک بیان میں کہا گیا ہے کہ طالبان سیکیورٹی فورسز نے کابل ائیرپورٹ پر خودکش بم حملے میں ملوث عالمی دہشت گرد تنظیم داعش کے ’ماسٹر مائنڈ‘ کو ہلاک کردیا ہے۔

خودکش بمبار نے 26 اگست 2021 کو افغانستان سے فرار ہونے کی کوشش کرتے ہوئے ائیرپورٹ کے احاطے میں ہجوم کے درمیان ایک ڈیوائس سے دھماکا کیا۔

دھماکے کے نتیجے میں تقریباً 170 افغان باشندے اور 13 امریکی فوجی ہلاک ہوئے تھے۔ دھماکا افغانستان میں اب تک کے ہونے والے دھماکوں میں سے سب سے خطرناک تھا۔

وائٹ ہاؤس کی قومی سلامتی کے ترجمان جان کربی نے داعش کے ’ماسٹر مائنڈ‘ کی ہلاکت کی تصدیق کرتے ہوئے کہا کہ طالبان حکام نے اسے مار دیا ہے۔

جان کربی کا مزید کہنا تھا کہ یہ داعش کا اہم رکن تھا جو ایبی گیٹ جیسی کارروائیوں کی منصوبہ بندی میں براہ راست ملوث تھا۔ اس کےعلاوہ وائٹ ہاؤس کی جانب سے مزید کوئی تفصیلات نہیں بتائی گئی جبکہ طالبان نے اس پر تبصرہ نہیں کیا ہے۔؎

قبل ازیں، امریکی صدرجو بائیڈن کو 20 برس کے بعد امریکی افواج کے افغانستان سے انخلاء کے فیصلے پر تنقید کا سامنا کرنا پڑا تھا۔