پاکستان کرکٹ بورڈ کی منیجمنٹ کمیٹی کی مدت میں توسیع کےلئے وزارت بین الصوبائی رابطہ نے سمری وزیراعظم شہباز شریف کو بھجوا دی۔

وزارت بین الصوبائی رابطہ کی جانب سے وزیراعظم شہباز شریف کو بھجوائی گٸی سمری میں کہا گیا ہے کہ پی سی بی مینجمنٹ کمیٹی کی مدت 21 اپریل کو ختم ہو رہی ہے، اس لیے مدت میں 2 سے 4 ہفتوں کی توسیع دی جائے۔

سمری میں وزارت آئی پی سی نے پی سی بی مینجمنٹ کمیٹی کی 4 ماہ کی کارکردگی ساتھ بھجوائی ہے۔ پی سی بی کے آئین کی بحالی کے بعد وزیراعظم کی منظوری سے وفاقی حکومت نے پاکستان کرکٹ بورڈ کے معاملات چلانے کیلئے نجم سیٹھی کی سربراہی میں مینجمنٹ کمیٹی تشکیل دی تھی جس کی مدت آج ختم ہو رہی ہے۔