پی ٹی آئی کے چیئرمین عمران خان کا کہنا ہے کہ علی امین گنڈا پور کو ذہنی طور پر ٹارچر کیا جارہا ہے، ملک میں مشرقی پاکستان کی تاریخ دہرائی جارہی ہے۔

سماجی رابطے کی ویب سائٹ ٹویٹر پر اپنی ٹویٹ میں تحریک انصاف کے چیئرمین عمران خان کا کہنا تھا کہ علی امین گنڈا پور کو ذہنی طور پر ٹارچر کیا جارہا ہے، یہ سلوک اس لیے ہو رہا ہے کہ گنڈا پور سے ہمارے کارکن پیار کرتے ہیں۔

عمران خان نے کہا کہ جو لوگ یہ کررہے ہیں وہ نہیں جانتے کہ خود اپنی تزلیل کررہے ہیں، علی امین پر تشدد کرنے والے لوگ عوام اور ریاست کے درمیان فاصلے بڑھارہے ہیں، اور مشرقی پاکستان کی تاریخ دہرائی جارہی ہے، علی امین کے لئے ہمارا پیار اور احترام مزید بڑھ گیا ہے۔