دبئی میں آتشزدگی سے جاں بحق تینوں پاکستانیوں کی میتیں وطن پہنچ گئیں۔

دبئی کی عمارت میں دو روز قبل آتشزدگی سے 16 افراد جان کی بازی ہار گئے تھے ان افراد میں تین پاکستانی شامل تھے۔

دبئی میں آتشزدگی کے واقعہ میں جاں بحق پاکستانیوں کا تعلق پنجاب کے شہر ڈیرہ غازی خان سے ہے۔ تینوں افراد کی میتیں ڈی جی خان میں ورثا کے حوالے کردی گئیں۔

اماراتی حکام نے آج صبح میتیں پاکستان کے حوالے کی تھیں۔ حوالگی کے فوری بعد میتیں وطن روانہ کردی گئی تھیں۔

دبئی کی عمارت میں آتشزدگی کے واقعے میں تین پاکستانیوں کے علاوہ 6 سوڈانی اور 4 بھارتی جان کی بازی ہار گئے تھے جبکہ کیمرون ، مصر اور اردن کا ایک ایک شہری بھی جاں بحق ہوا۔