محکمہ داخلہ پنجاب نے نیوزی لینڈ کرکٹ ٹیم کی سیکیورٹی کے لئے فوج اور ریجنرز طلب کرنے کا فیصلہ کرلیا۔

ذرائع کے مطابق محکمہ داخلہ پنجاب نے وفاقی وزارت داخلہ کو ریجنرز اور فوج طلب کرنے کے لئے خط لکھ دیا۔

ذرائع کے مطابق نیوزی لینڈ ٹیم کو بہتر سیکیورٹی فراہم کرنے کے لئے فوج کی 3 کپمنیاں اور ایس ایس جی کی 2 کپمنیاں طلب کی گئی ہیں۔

ذرائع نے مزید بتایا کہ نیوزی لینڈ کرکٹ ٹیم کی سیکیورٹی کیلئے رینجرز تعینات کی جائےگی جبکہ سیکیورٹی کیلئے پولیس بھی موجود رہےگی۔ اس کے علاوہ مہمان ٹیم کی سیکیورٹی کیلئےاسپیشل برانچ کی خدمات حاصل کی جائیں گی۔

شیڈول کے مطابق نیوزی لینڈ اور پاکستان کے درمیان 14، 15 اور 17 اپریل کو لاہور میں تین ٹی ٹوئنٹی میچز ہونگے جبکہ راولپنڈی میں 20 اور 24 اپریل کو سیریز کا چوتھا اور پانچواں ٹی ٹوئنٹی کھیلا جائے گا۔

دونوں ٹیمیوں کے درمیاں 27 اور 29 اپریل کو پہلا اور دوسرا ون ڈے میچ راولپنڈی میں کھیلا جائے گا جبکہ کراچی میں 3، 5 اور 7 مئی کو سیریز کے آخری تین ون ڈے کھیلے جائیں گے۔ دورہ نیوزی لینڈ کا آغاز 14اپریل سے لاہور میں پہلے ٹی 20 میچ سے ہوگا ۔