کراچی کی مقامی عدالت نے سائٹ ایریا میں بھگدڑ سے ہونیوالی اموات کے مقدمے میں فیکٹری مالک سمیت نو ملزمان کا پانچ روزہ جسمانی ریمانڈ منظور کرلیا گیا۔

گزشتہ روز سائٹ ایریا میں راشن کی تقسیم کے دوران بھگدڑ سے 12 افراد کے جان سے جانے کا افسوسناک واقعہ فیکٹری انتطامیہ کی غفلت کے باعث پیش آیا تھا۔

عدالت میں سائٹ ایریا میں بھگدڑ سے اموات کے کیس کی سماعت ہوئی جہاں فیکٹری مالک سمیت 9 ملزمان عدالت میں پیش ہوئے۔

عدالت نے ملزمان کو رہا کرنے کی درخواست مسترد کرتے ہوئے ملزمان کا 5 روزہ جسمانی ریمانڈ منظور کرلیا۔